Илм-фанни ривожлантиришдаги ҳамкорлик

Ўзбекистон Республикаси Президенти томонидан 2020 йил “Илм-маърифат ва рақамли иқтисодиётни ривожлантириш йили” деб эълон қилинганлигидан келиб чиқиб, Бош прокуратура Академияси томонидан илм-маърифатни ривожлантириш борасидаги тадбирларни амалга ошириш давом эттирилмоқда.

Хусусан, 2020 йилнинг 15 февраль куни Бош прокуратура Академиясида Ўзбекистон халқаро ислом академияси расмийлари билан учрашув бўлиб ўтди.

Учрашувда меҳмонларга Академиянинг илм-маърифат йўналишидаги имкониятлари ҳамда ўқув жараёнига замонавий рақамли технологияларни қўллаш тажрибаси намойиш этилди.  

Шунингдек, учрашув давомида, ташкил этилганига кўп бўлмаган икки муассаса – Бош прокуратура Академияси ва Халқаро ислом академияси ўртасида келгусидаги ҳамкорлик режалари муҳокама қилинди.

Учрашув якуни бўйича Академия вакилларининг Ўзбекистон халқаро ислом академиясига ташрифи амалга оширилиши тўғрисида келишувга эришилди.