Академияда чет тилидан малакавий имтиҳон бўлиб ўтди

Бош прокуратура Академиясида юридик фанлар бўйича фалсафа доктори (PhD) илмий даражасига талабгор изланувчилар учун чет тили бўйича малакавий имтиҳон бўлиб ўтди.

Имтиҳон етакчи лингвист олимлар ва мутахассислардан иборат таркибда тузилган комиссия томонидан ўтказилди.

Малакавий имтиҳонда мустақил изланувчиларнинг чет тилини билиш даражасини аниқлаш мақсадида ҳуқуқни муҳофаза қилиш фаолияти, прокурор назорати, жиноят ҳуқуқи, ҳалқаро ҳуқуқ ихтисосликлари ҳамда изланувчилар томонидан олиб бораётган диссертация мавзуси доирасида мавжуд илмий муаммолар ва уларнинг ечимлари хусусида саволлар берилди.

Малакавий имтиҳонни муваффақиятли топширган мустақил изланувчиларга сертификатлар топширилди.