Жамоатчилик билан алоқалар ва ҳуқуқий ахборот тармоқлари ходимлари учун ўқув курси бошланди

2021 йил 17 май куни Бош прокуратура Академиясида прокуратура органларининг Жамоатчилик билан алоқалар ва ҳуқуқий ахборот тармоқлари ходимлари учун “Прокуратура органларининг оммавий ахборот воситалари билан алоқаларини ташкил этиш масалалари” мавзусида қисқа муддатли ўқув курси бошланди.

Курс Бош прокурор ўринбосари С.Б.Ортиқова томонидан ўтказилган “Ўзбекистонда ахборот сиёсати ва прокуратура органларининг ушбу сиёсатни амалга оширишдаги роли” мавзусидаги ўқув машғулоти билан бошланди.

Мазкур курс янги Ўзбекистоннинг ахборот сиёсати олдида турган вазифалар, негатив маълумотлар ва фейк ахборотлар билан ишлаш, контент стратегия тузиш, ижтимоий тармоқлар орқали тарқалаётган хабарларга прокуратура органлари томонидан тезкорлик билан муносабат билдириш ва соҳада мавжуд муаммоларни бартараф этишнинг аниқ, тизимли ҳамда амалий чораларини кўриш бўйича таклиф ва тавсияларни ишлаб чиқиш масалаларига бағишланади.