БМТнинг Коррупцияга қарши конвенцияси бажарилишининг обзор механизмига тайёргарлик кўриш бўйича семинар ўтказилди

Бош прокуратура Академиясида БМТнинг Гиёҳвандлик ва жиноятчилик бўйича бошқармаси кўмагида “БМТ Коррупцияга қарши конвенцияси бажарилиши бўйича обзор механизми. V-боб: Активларни қайтариш бўйича чора-тадбирлар” мавзусидаги семинар-тренинг ўтказилди.

Тадбир БМТ Конвенцияси бешинчи боби бажарилишининг обзор механизми бўйича ишчи гуруҳнинг миллий экспертлари учун ташкил этилган.

Семинар-тренинг спикери сифатида БМТ ГЖБнинг Коррупция ва иқтисодий жиноятлар Сектори мутахассиси Владимир Козин қатнашди.

Халқаро эксперт томонидан активларни қайтаришга оид асосий қоидалар ва уларни имплементация қилиш йўллари, шунингдек хорижий мамлакатларнинг ижобий тажрибаси ва қонунчилигидан мисоллар келтирилди.

Миллий экспертлар кутилаётган обзорда ижобий баҳо олиш мақсадида Ўзбекистон учун зарур бўлган маслаҳат ва таклифларни олди.