Халқаро конференция материаллари тўплами нашр этилди

“Аҳоли миграциясида рақамли визалар платформасини ишлаб чиқиш” мавзусидаги инновацион лойиҳа доирасида “Мамлакатимизда миграция соҳасидаги давлат бошқарувининг долзарб масалалари” мавзусида халқаро илмий нашр тайёрланди.

Мазкур нашр миграция соҳасидаги давлат бошқарувининг стратегик жиҳатларини аниқлаш, устувор хусусиятларини тадқиқ этиш, миграцион қонунчилик ва ташкилий-институционал механизмларнинг ишлаш ҳолатини ўрганиш асосида мавжуд муаммо ва камчиликларнинг бартараф этилиши, миграция жараёнларини самарали тартибга солиш тизимини такомиллаштиришга қаратилган илмий асосланган таклиф ва тавсияларни ишлаб чиқиш мақсадида бўлиб ўтган халқаро илмий-амалий онлайн конференция материалларидан иборат.

            Ушбу тўпламда миллий ва чет эл олий таълим ва илмий тадқиқот институтлари экспертлари, қонун чиқарувчи ҳокимият вакиллари, суд ва ҳуқуқни муҳофаза қилувчи органлар ходимлари, миграция муносабатларини тартибга солиш билан шуғулланувчи идоралар ходимлари, фуқаролик жамияти институтлари вакиллари, миграция муаммолари билан шуғулланаётган тадқиқотчиларнинг мақола ва тезислари ўрин олган.