Таълим ва илмий салоҳиятни ривожлантириш йўлида идоралараро ҳамкорлик кенгайтирилмоқда

Бош прокуратура Академияси ва Ўзбекистон давлат жаҳон тиллари университети ўртасида жорий йил бошида имзоланган ҳамда ҳамкорликнинг ҳуқуқий асосларини белгилаб берган Меморандум доирасида самарали икки томонлама ҳамкорлик амалга оширилмоқда.

Хусусан, Академия тингловчилари ва ходимларига юридик инглиз тилини ўқитишнинг инновацион усулларини жорий этиш, энг самарали ва илғор таълим технологияларини қўллаш бўйича чора-тадбирлар изчил амалга оширилиб келинмоқда.

Шунингдек, Академия таянч докторантураси ва мустақил изланувчиликка номзодлар учун инглиз тили бўйича малака имтиҳонларига Университет профессор-ўқитувчилари вакиллари имтиҳон комиссияси раиси ҳамда аъзолари сифатида жалб қилиб келинмоқда. 

Ҳамкорликнинг янги йўналишларини аниқлаш ва янада кенгайтириш мақсадида томонлар 2020-2021 йилларга мўлжалланган тадбирлар режасини тасдиқладилар.

Мазкур ҳужжатда университетнинг етакчи мутахассисларини илмий тадқиқот ҳамда ўқув жараёнларига жалб қилишни кенгайтириш имкониятлари, Академия профессор-ўқитувчиларининг университет талабалари ҳуқуқий саводхонлигини оширишга қаратилган тадбирларни амалга ошириши ҳамда ҳамкорликда юридик инглиз тилини ўрганиш учун ўқув материаллари ва бошқа лойиҳаларни ишлаб чиқилиши кўзда тутилган.