Бош прокуратура Академияси магистратурасида давлат имтиҳонлари ўтказилди

Ўзбекистон Республикаси Бош прокуратураси Академиясида “Прокурорлик фаолияти”, “Тергов фаолияти” ва “Коррупсияга қарши курашиш” йўналишлари бўйича магистрантларнинг якуний давлат аттестацияси ўтказилди.

Давлат якуний аттестацияси магистратура таълим дастурининг мажбурий қисми ҳисобланиб, мутахассислик бўйича якуний давлат имтиҳонини топшириш ва масофавий шаклда магистерлик диссертациясини ҳимоя қилишдан иборат.

Якуний давлат имтиҳонлари 2021 йил 21-23 июл кунлари онлайн режимда бўлиб ўтиб, Академия ва бошқа таълим муассасаларининг профессор-ўқитувчилари, етакчи амалиётчилар, шунингдек кузатувчилар сифатида иштирок этаётган жамоатчилик вакилларидан иборат Давлат аттестация комиссияси томонидан ўтказилди.

Шу билан бирга, 2021 йил 26-28 июлъ кунлари якуний давлат имтиҳонлари ўтказилган шакл ва шароитларда магистрлик ишларининг ҳимоялари ўтказилиши таъминланди.

Якуний давлат имтиҳонларида масофадан туриб қатнашган тингловчи ва Давлат аттестация комиссияси аъзоларининг шахсини аниқлаш электрон таълим бўлими томонидан амалга оширилди.

Якуний давлат имтиҳонларини ўтказишдан олдин ахборот-коммуникация технологияларидан фойдаланган ҳолда имтиҳонолди консулътациялар ўтказилди.

Академия магистрантлари COVID-19 пандемияси шароитида Академия ахборот-ресурс марказининг электрон кутубхонаси билан интеграциялашган «ProAcademy» ахборот-таълим порталининг электрон манбаларидан фойдаланган ҳолда давлат имтиҳонларига тайёргарлик борасида самарали ишлаш имконига эга бўлдилар.

Академия порталининг тўлиқ ишлаши якуний имтиҳонларни замонавий таълим стандартлари даражасида ва академик ҳалоллик принципларига мувофиқ равишда ташкил этиш ва ўтказиш учун асос бўлиб хизмат қилди.

Оғзаки шаклда ўтказилаётган давлат имтиҳонлари натижалари имтиҳон куни тингловчиларга эълон қилиниб келинди. 

Жараённинг шаффофлигини таъминлаш мақсадида барча давлат аттестация имтиҳонлари видеоёзувга олинди.