Активларни қайтариш соҳасида салоҳиятни ошириш масаласида халқаро ҳамкорлар билан учрашув

Жорий йилнинг 30 июль куни Ўзбекистон Республикаси Бош прокуратураси Академиясида БМТнинг Гиёҳвандлик ва жиноятчилик бўйича бошқармасининг Марказий Осиё давлатлари бўйича ҳудудий ваколатхонаси ҳамда ЕХҲТнинг Ўзбекистондаги лойиҳалари Координатори вакиллари билан учрашув ўтказилди.

Учрашув иштирокчилари активларни қайтариш ва бошқариш масалалари юзасидан миллий салоҳиятни ошириш соҳасида амалга оширилаётган ҳамкорликдаги лойиҳаларнинг ҳолатини муҳокама қилишиб, бажарилиши лозим бўлган кейинги босқичларни белгилаб олишди.

Шунингдек халқаро ҳамкорлар эътиборига Ғарбий ва Марказий Осиё давлатларининг активларни қайтариш бўйича идоралараро тармоғи (ARIN-WCA) ҳамда унинг доимий Котибияти фаолияти доирасида амалга оширилган ишлар тўғрисида маълумот тақдим этилди.