O'zbekiston Respublikasi
Huquqni muhofaza qilish akademiyasi
E’lon 
Huquqni muhofaza qilish akademiyasida tayanch doktorantura (PhD) va doktoranturaga (DSc) qabul e’lon qilinadi
|
№ |
Ixtisoslik nomi |
O‘rinlar soni |
|
1 |
12.00.01 – Davlat va huquq nazariyasi va tarixi. Huquqiy ta’limotlar tarixi |
1 ta (PhD) |
|
2 |
12.00.02 – Konstitutsiyaviy huquq. Ma’muriy huquq. Moliya va bojxona huquqi |
1 ta (PhD) |
|
3 |
12.00.03 – Fuqarolik huquqi. Tadbirkorlik huquqi. Oila huquqi. Xalqaro xususiy huquq |
2 ta (PhD) |
|
4 |
12.00.04 – Fuqarolik protsessual huquqi. Iqtisodiy protsessual huquqi. Hakamlik jarayoni va mediatsiya |
2 ta (PhD) |
|
5 |
12.00.05 – Mehnat huquqi. Ijtimoiy ta’minot huquqi |
1 ta (PhD) |
|
6 |
12.00.07 – Sud hokimiyati. Prokuror nazorati. Huquqni muhofaza qilish faoliyatini tashkil etish. Advokatura |
2 ta (PhD) |
|
7 |
12.00.08 – Jinoyat huquqi. Jinoyat-ijroiya huquqi |
2 ta (PhD) |
|
8 |
12.00.09 – Jinoyat protsessi. Kriminalistika, tezkor-qidiruv huquqi va sud ekspertizasi |
2 ta (PhD) |
|
9 |
12.00.12 – Korrupsiya muammolari (yuridik fanlar) |
3 ta (PhD) |
|
10 |
12.00.14 – Huquqbuzarliklar profilaktikasi. Jamoat xavfsizligini ta’minlash. Probatsiya faoliyati |
2 ta (PhD) |
Tayanch doktorantura (PhD) va doktoranturaga (DSc) talabgorlar 2026-yil 15-sentabrdan 15-oktabrgacha daraja.ilmiy.uz veb-sayti orqali ro‘yxatdan o‘tib, Akademiyaning Ilmiy-innovatsion tadqiqotlarni muvofiqlashtirish va ilmiy xodimlarni tayyorlash markaziga barcha zarur hujjatlarni belgilangan tartibda taqdim etishlari lozim.
Tayanch doktoranturaga quyidagilar qabul qilinadi:
- bakalavr va magistr diplomlariga (faqat yuridik soha bo‘yicha) yoki oliy ma’lumot to‘g‘risidagi diplomga (ixtisoslik bo‘yicha) ega bo‘lganlar;
- Akademiya magistraturasi bitiruvchilari;
- yuridik soha bo‘yicha bakalavr diplomiga ega O‘zbekiston Respublikasi Prezidenti huzuridagi Davlat boshqaruv akademiyasi hamda O‘zbekiston Respublikasi Strategik tahlil va istiqbolni belgilash oliy maktabi magistraturasi bitiruvchilari;
- yuridik fanlar bo‘yicha falsafa doktori (PhD) ilmiy darajasini olish uchun dissertatsiya tadqiqoti asosini tashkil qilishi mumkin bo‘lgan ilmiy natijalar, shu jumladan, ilmiy jurnallarda chop etilgan kamida bitta maqola hamda tegishli yo‘nalishlar bo‘yicha ikkitadan kam bo‘lmagan ilmiy ishlar to‘plamlariga kiritilgan ma’ruza tezislariga ega bo‘lganlar;
- chet tilini bilish darajasini tasdiqlovchi milliy yoki tegishli xalqaro sertifikatga ega bo‘lganlar. Oliy ta’lim, fan va innovatsiyalar vazirligi tomonidan tasdiqlanadigan xalqaro reytinglarda birinchi 300 ta o‘rindan birini egallagan oliy ta’lim tashkilotlari bitiruvchilari bundan mustasno.
Doktoranturaga quyidagi talablarga javob beradigan shaxslar qabul qilinadi:
- yuridik fanlar nomzodi yoki yuridik fanlar bo‘yicha falsafa doktori (PhD) ilmiy darajasiga yoxud xorijiy davlatlarda olingan va ularga tenglashtirilgan ilmiy darajaga ega bo‘lganlar;
- yuridik fanlar nomzodi yoki yuridik fanlar bo‘yicha falsafa doktori (PhD) ilmiy darajasini yoxud ularga tenglashtirilgan boshqa ilmiy darajani olgandan so‘ng muhim ilmiy yutuqlarga erishgan, shu jumladan, fan doktori (DSc) ilmiy darajasini olish uchun dissertatsiya tadqiqoti asosini tashkil qilishi mumkin bo‘lgan, ilmiy jurnallarda chop etilgan kamida uchta ilmiy maqolaga hamda ilmiy-amaliy konferensiyalar, seminarlar va tegishli ilmiy yo‘nalishlar bo‘yicha ilmiy ishlar to‘plamlarida kamida ikkita tezisga ega bo‘lganlar.
Oliy ta’limdan keyingi ta’limda o‘qish uch yilgacha davom etadi.
Qo‘shimcha ma’lumot uchun:
Telefon: (71) 202-04-96, ichki raqamlar: 1752, 1791
Akademiyaning rasmiy veb-sayti: proacademy.uzproacademy.uz
Elektron manzil: info@proacademy.uzinfo@proacademy.uz
Ma’lumot uchun: talabgorlarning tanlovda ishtirok etishiga qo‘yiladigan talablar va topshiriladigan hujjatlar ro‘yxati Vazirlar Mahkamasining 2023-yil 6-apreldagi 143-son qarori bilan tasdiqlangan «O‘zbekiston Respublikasi Huquqni muhofaza qilish akademiyasida oliy ta’limdan keyingi ta’limga qabul qilish va o‘qitishni tashkil etish tartibi to‘g‘risida»gi nizomda batafsil ko‘rsatilgan.