O'zbekistondagi Turkiya hamkorlik va muvofiqlashtirish agentligining (TICA) vakillari bilan uchrashuv

Академия раҳбарияти жорий йилнинг 21 май куни директор Али Исхан Чағлар бошчилигидаги Ўзбекистондаги Туркия ҳамкорлик ва мувофиқлаштириш агентлигининг (TICA) делегацияси билан учрашди.

Учрашувда Жанубий ва Шарқий Осиё, Океания ва Лотин Америкаси бўйича Департамент вакили Билол Уздени, TICA эксперти Фуат Канан ҳамда Академия вакиллари иштирок этдилар.

Томонлар Одил судлов Академияси ва Туркиянинг бошқа илмий-таълим муассасалари билан ҳамкорлик ҳолати ва истиқболларини муҳокама қилдилар ҳамда навбатдаги режалар ва уларни амалга ошириш масалаларини келишиб олдилар.