Халқаро ҳамкорлик бўлими Ўзбекистон Республикаси Бош прокуратураси Академиясининг халқаро фаолиятини ташаббус қилади, тарғиб этади ва мувофиқлаштиради.
Бўлим фаолиятининг асосий ёндашуви Академиянинг халқаро илмий доирада тан олинган етакчи тадқиқот ва таълим маркази бўлиб етишиш мақсадидан келиб чиққан ҳолда, халқаро алоқаларни қўллаб-қувватловчи ва ривожлантирувчи таркибий қисми сифатида фаолият юритишдан иборат.
Бўлимнинг вазифаси:
- Академиянинг Марказий Осиё ва бутун дунёдаги ҳамкор муассасалари билан алоқаларни ривожлантириш ва қуллаб-қувватлаш;
- олий таълим соҳасидаги халқаро дастур ва лойиҳалар бўйича маълумотларни тўплаш ва нашр этиш;
- академик ҳаракатчанликни рағбатлантириш;
- академия ва унинг таркибий бўлинмаларининг халқаро ташаббуслари ва фаолиятини қўллаб-қувватлаш ва маслаҳат кўмаги бериш.
Ўзбекистон Республикаси Президентининг 2018 йил 8 майдаги “Прокуратура органлари кадрларини тайёрлаш, қайта тайёрлаш ва уларнинг малакасини ошириш тизимини тубдан такомиллаштириш чора-тадбирлари тўғрисида”ги ПФ–5438-сон Фармони билан тасдиқланган “Йўл ҳаритаси”нинг халқаро алоқаларни мустаҳкамлаш қисмини амалга ошириш мақсадида ўтган давр мобайнида қуйидаги тадбирлар амалга оширилди.
Етакчи илмий-тадқиқот, ахборот-таҳлилий, ҳуқуқий муассасалар ҳамда ҳуқуқни муҳофаза қилувчи органлар ва бошқа ташкилотлар билан меморандумлар, ўзаро ҳамкорлик келишувларини тузиш, қўшма дастурларни амалга ошириш
Ҳамкорлик тўғрисида 14 та меморандум имзоланди, шунингдек яна 3 та меморандум имзолаш бўйича (Сингапур коррупцияга қарши курашиш Академияси, Москва тергов қўмитаси Академияси, молиявий мониторинг халқаро ўқув-услубий маркази билан) келишиб олинди.
Туркия Республикаси Адлия Академияси ва Украина прокуратураси миллий академияси билан ҳамкорлик ниятлар тўғрисидаги протоколлар ҳамда Россия Федерацияси Бош прокуратураси университети билан ҳамкорлик дастури имзоланди.
- Ўзбекистон Республикаси Бош прокуратураси Олий ўқув курслари ва Россия Федерацияси Бош прокуратураси Академияси ўртасида кадрлар тайёрлаш ва илмий-тадқиқот фаолияти соҳасида ўзаро англашув ва ҳамкорлик тўғрисидаги меморандум (Москва, 2017 йил 12 январь).
- Ўзбекистон Республикаси Бош прокуратураси Олий ўқув курслари ва Хитой Халқ Республикаси Олий халқ прокуратураси давлат прокурорлари институти ўртасида ўзаро англашув меморандуми (Пекин, 2017 йил 21 февраль).
- Ўзбекистон Республикаси Бош прокуратураси Олий ўқув курслари ва Қозоғистон Республикаси Бош прокуратураси ҳузуридаги ҳуқуқни муҳофаза қилиш органлари Академияси ўртасида таълим ва илмий-тадқиқот фаолияти соҳасидаги ҳамкорлик тўғрисидаги меморандум (Остона шаҳри, 2017 йил 3 август).
- Ўзбекистон Республикаси Бош прокуратураси Олий ўқув курслари ва Корея ҳуқуқий тадқиқотлар институти ўртасида ўзаро англашув ва ҳамкорлик тўғрисидаги меморандум (Тошкент ш., 2017 йил 27 октябрь).
- Ўзбекистон Республикаси Бош прокуратураси Олий ўқув курслари ва Сибирь бошқарув институти ўртасида таълим ва илмий-тадқиқот фаолияти соҳасидаги ҳамкорлик тўғрисидаги меморандум (Тошкент ш., 2017 йил 1 декабрь).
- Ўзбекистон Республикаси Бош прокуратураси Академияси ва Беларусь давлат университети таълим муассасаси ўртасида таълим ва илмий-тадқиқот фаолияти соҳасидаги ҳамкорлик тўғрисидаги меморандум (Минск ш., 2018 йил 13 июнь).
- Ўзбекистон Республикаси Бош прокуратураси Академияси ва Беларусь Республикаси Бош прокуратурасининг қонунийлиги ва ҳуқуқ-тартиботини мустаҳкамлаш муаммолари илмий-амалий маркази давлат муассасаси ўртасида таълим ва илмий-тадқиқот фаолияти соҳасида ҳамкорлик тўғрисидаги меморандум (Минск ш., 2018 йил 13 июнь).
- Ўзбекистон Республикаси Бош прокуратураси Академияси ва Франция Республикаси магистратура миллий мактаби ўртасида ҳамкорлик тўғрисидаги битим (Париж, 2018 йил 2 июль).
- Ўзбекистон Республикаси Бош прокуратураси Академияси ва “Буюк келажак” ХННТ ўртасида ҳамкорлик тўғрисидаги битим (Тошкент ш., 2018 йил 24 октябрь).
- Лунд университети социология бўлими ва Ўзбекистон Республикаси Бош прокуратураси Академияси ўртасида ўзаро англашув меморандуми (Лунд ш., 2019 йил январь).
- Хельсинки университети Александр институти ва Ўзбекистон Республикаси Бош прокуратураси Академияси ўртасида ўзаро англашув меморандуми (Хельсинки ш., 2019 йил 25 январь).
- Бош прокуратура Академияси ва Корея Республикаси Адлия институти ўртасида англашув меморандуми (Тошкент ш., 2019 йил 13 май)
- Ўзбекистон Республикаси Бош прокуратураси Академияси ва Украина прокуратураси миллий академияси ўртасидаги ниятлар тўғрисидаги протокол (Тошкент ш., 2019 йил 16 май).
- Ўзбекистон Республикаси Бош прокуратураси Академияси ва Туркия Республикаси Адлия Академияси ўртасидаги ниятлар тўғрисидаги протокол (Тошкент ш., 2019 йил 16 май).
- Бoш прокуратура Академияси ва Япониянинг Адлия институти билан ҳамкорлик меморандуми (Тошкент, 2019 йил 25 июль).
- “Elsevier” компанияси билан ҳамкорлик меморандуми (Тошкент ш., 2019 йил сентябрь).
- Россия Федерацияси Бош прокуратураси университети билан ҳамкорлик дастури имзоланди.
Хорижий ва халқаро грантларни жалб қилиш йўналиши
- Академиянинг моддий-техник базасини самарали ишлашини таъминлаш ва мустаҳкамлаш мақсадида 13 лойиҳа амалга оширилмоқда.
- Академиянинг илмий-таълим салоҳиятини мустаҳкамлашга қаратилган 10 та қўшма лойиҳа амалга оширилиши келишилмоқда.
Академия профессор-ўқитувчиларнинг малакасини ошириш ва тингловчиларни ўқитиш жараёнига хорижий мутахассисларни жалб қилиш амалиётини жорий этиш йўналиши
Академия талабалари ва педагог ходимлари учун халқаро ташкилотлар ва Ўзбекистон Республикаси Бош прокуратураси билан биргаликда 53 та халқаро семинар-тренинг ташкил этилди.
Академиянинг ўқитувчилари, тингловчилари ва прокуратура органлари ходимларини хорижий мамлакатлар таълим муассасаларида стажировка ўташи, шунингдек, доимий равишда юриспруденциянинг долзарб масалалари бўйича халқаро илмий-амалий форумларда иштирок этишини ташкил этиш
Хорижий таълим муассасалари ва халқаро ташкилотлар билан халқаро ҳамкорликни мустаҳкамлаш мақсадида 51 нафар Академия ходимларининг стажировкаси ташкил этилди.
Халқаро танлов ва дастурларда иштирок этиш
Адлия соҳасида ўқитиш ва тайёрлаш стипендия дастурида иштирок этиш (IJET)
Бош прокуратура Академияси АҚШдаги Адлия сектори стипендия дастурида (IJET) иштирок этиш бўйича халқаро танловда ғолиб бўлди.
IJET дастури Америка ҳуқуқшунослари ассоциацияси (ABA|ROLI) қонун устуворлиги ташаббуси томонидан амалга оширилаётган ҳамда жиноий адолат ва ҳамкорлик (INL/CАP) тарғиб қилиш идораси томонидан мувофиқлаштирилаётган икки босқичли дастур ҳисобланади.
Дастурнинг биринчи босқичи академик тренинг, ҳуқуқ-тартибот ва қонун устуворлиги соҳасидаги фаолияти билан танишиш, ислоҳотларнинг лойиҳавий режасини ишлаб чиқиш учун АҚШга ташрифдан иборат.
Иккинчи босқичда Академия вакиллари томонидан ишлаб чиқилган Ўзбекистонда жиноятчиликнинг олдини олиш ва ҳуқуқбузарликлар профилактикасини амалга ошириш соҳасидаги механизмларни такомиллаштириш лойиҳавий режасини амалга оширишда техник кўмак кўрсатиш учун АҚШдан бир гуруҳ экспертлар Ўзбекистонга ташриф буюради.
Дастурнинг биринчи босқичи доирасида, Академия ходимлари Америка Қўшма Штатларида бир ойлик ўқишни муваффақиятли якунлашди. Ташриф давомида суд, прокуратура, ҳуқуқ-тартибот идоралари, пробация хизматлари, жамоат ташкилотлари, АҚШ юридик кадрларини профессионал тайёрлаш муассасалари вакиллари иштирокида бир қатор давра суҳбатлари, ўқув семинарлари, ишчи учрашувлар ташкил этилди.
Лойиҳанинг амалга оширилиши давом этмоқда.
JICA халқаро танловларида иштирок етиш
JICA томонидан эълон қилинган танловларда Академия вакиллари икки маротаба ғалаба қозонди.
Танловлар натижасига кўра, Академия вакиллари 2019 йилнинг январь ва май ойларида Япониянинг халқаро ҳамкорлик агентлиги (JICA) томонидан ташкиллаштирилган, БМТнинг Жиноятчиликнинг олдини олиш ва ҳуқуқбузарлар билан ишлаш Осиё ва узоқ Шарқ институтининг (UNAFEI) “Жиноятчиликнинг олдини олиш ва жиноий одил судлов тизими” мавзусидаги ўқув курсларида иштирок этишди.
Халқаро OECD дастурларида иштирок этиш
Солиқ ва молиявий жиноятларни тергов қилиш бўйича OECD Осиё-тинч океани Академияси (Саитама, Япония) томонидан эълон қилинган танловдан сўнг, Академиянинг икки вакили Японияда OECD Осиё-Тинч океани Академиясида молиявий терговни бошқариш бўйича икки ҳафталик ўқув курсида иштирок этди.
Мазкур курс мураккаб молиявий жиноятларни тергов қилишни амалга ошириш (жиноий тушумларни легаллаштириш ва коррупция), идентификация жараёнидан жиноий активларни аниқлашдан қайтаришгача бўлган масалаларни камраб олган.
Ҳуқуқни муҳофаза қилиш органлари салоҳиятини мустаҳкамлаш бўйича халқаро дастурда иштирок этиш (ILEA)
2018-2019 йилларда АҚШ элчихонаси кўмагида Академия вакилларининг Ҳуқуқни муҳофаза қилиш органлари халқаро Академиясининг 5та курсида иштирок этиш орқали ҳуқуқни муҳофаза қилиш органлари салоҳиятини мустаҳкамлаш халқаро дастурида иштирок этилди.