Ўзбекистон Республикаси Ҳуқуқни муҳофаза қилиш академияси хорижий фуқароларни “Юриспруденция” ва “Киберҳуқуқ” бакалавриат таълим йўналишларида таҳсил олишга таклиф этади.
Таълим замонавий ўқув кампусида, илғор ахборот-коммуникация технологиялари билан жиҳозланган аудиторияларда юқори малакали профессор-ўқитувчилар томонидан олиб борилади.
Таълим олиш жараёнида хорижий талабалар қуйидаги имкониятлардан фойдаланишлари мумкин:
интерактив таълим хизматлари, ахборот ресурслари ва Академия спорт инфратузилмасидан фойдаланиш, шунингдек, ётоқхонага жойлашиш;
талабалар клублари, қўшимча ўқув курслари, интеллектуал ўйинлар, мусобақалар, кўрик-танловлар, маънавий-маърифий тадбирлар, учрашувлар ва давра суҳбатларида иштирок этиш;
тарихий обидалар, маданият масканлари, музейлар, театр ва кинотеатрларга ташриф буюриш;
хорижий ва маҳаллий олимлар, мутахассислар ҳамда экспертлар иштирокидаги семинар ва тренингларда, республика ва халқаро илмий-амалий конференциялар ҳамда форумларда қатнашиш;
халқаро ҳамкорлик доирасидаги ижтимоий лойиҳалар, грантлар ва ҳуқуқни муҳофаза қилиш фаолиятига оид халқаро дастурларда иштирок этиш.
Таълим жараёнига ҳуқуқни муҳофаза қилиш соҳасида кўп йиллик иш тажрибасига эга олимлар ва мутахассислар жалб этилган. Мутахассислик модуллари бўйича амалий машғулотлар Академиянинг имитация хоналари ва лабораторияларида ўтказилади.
Талабаларда амалий кўникмаларни шакллантириш мақсадида дастлабки тергов ва суриштирув органлари, шунингдек, экспертиза муассасаларида қўшма амалий, сайёр ва кўргазмали машғулотлар ташкил этилади.
Таълим дастурлари
“Юриспруденция” бакалавриат таълим йўналиши кундузги таълим шакли - 4 йил, ўзбек ва рус тилларида;
“Киберҳуқуқ” бакалавриат таълим йўналиши кундузги таълим шакли - 4 йил, ўзбек ва рус тилларида.
Қабул шартлари
Хорижий фуқаролар Ўзбекистон Республикаси қонунчилигида белгиланган тартибда тўлов-контракт асосида ўқишга қабул қилинади.
Ҳужжат топшириш тартиби
Ҳужжат топшириш муддати: 2026 йил 30 сентябрь кунига қадар (шу куни ҳам).
Ўқишга кириш учун Академиянинг махсус электрон платформаси - https://admission.proacademy.uz/ - орқали рўйхатдан ўтиш ва қуйидаги ҳужжатларни юклаш лозим:
ўқишга қабул қилиш ҳақида ариза;
ўрганилган фанлар ва улар бўйича имтиҳонларда олинган баҳолар (баллар) кўрсатилган маълумот тўғрисидаги ҳужжатлар;
соғлиғи тўғрисидаги тиббий хулоса;
миллий паспорт (амалдаги визаси билан) ёки туғилганлик ҳақидаги гувоҳнома;
4 × 6 см ўлчамдаги 6 та фотосурат.
Юқорида кўрсатилган ҳужжатларга уларнинг рус тилига таржима қилинган ва нотариал тартибда тасдиқланган нусхалари ҳам илова қилинади.
Зарур ҳолларда қўшимча ҳужжатлар сўралиши мумкин.
Суҳбат ўтказиш тартиби
Хорижий фуқаролар Академиянинг бакалавриат таълим йўналишларига суҳбат натижаларига кўра қабул қилинади.
Суҳбат қуйидагиларни аниқлаш мақсадида ўтказилади:
талабгорнинг дунёқараши - ҳозирги кунда дунёда рўй бераётган асосий ва муҳим ижтимоий-сиёсий ҳамда ижтимоий-иқтисодий жараёнлардан умумий хабардорлиги;
касбий интилиши ва мотивацияси - юрист касбининг моҳияти ва мазмуни, унинг жамиятдаги ўрни ва аҳамияти, юристнинг касбий фаолият соҳалари ва ушбу касбнинг ўзига хос хусусиятлари ҳақида тасаввурга эгалиги, шунингдек, мазкур касбни танлашга ундаган сабаблар;
умумий интеллектуал даражаси – ўз фикрини аниқ, мантиқий ва ижодий баён этиш ҳамда ўз нуқтаи назарини асослай олиш қобилияти;
маънавий-ахлоқий даражаси – қатъий маънавий-ахлоқий принципларга эгалиги, мулоқот одоби ва ташқи кўриниш маданиятига риоя этиши.
Суҳбат тиллари: ўзбек ва рус тиллари.
Суҳбат шакли ва ўтказиладиган жой
Суҳбат юзма-юз ёки масофавий (онлайн) шаклда ўтказилади.
Юзма-юз суҳбат Академия биносида ўтказилади. Масофавий суҳбат ахборот-коммуникация технологияларидан фойдаланган ҳолда иштирокчининг шахсини мажбурий идентификация қилиш орқали ташкил этилади.
Номзодлар паспорт ёки шахсини тасдиқловчи бошқа ҳужжатни тақдим этишлари шарт.
Суҳбат натижаларини баҳолаш
Суҳбат юзма-юз ёки масофавий шаклда ўтказилишидан қатъи назар, унинг натижалари 100 баллик тизим асосида баҳоланади. Ҳар бир мезон бўйича энг юқори баҳо 25 баллни ташкил этади.
Талабгор белгиланган вақтда суҳбатга келмаган тақдирда унга 0 балл қўйилади.
56 ва ундан юқори балл тўплаган талабгор суҳбатдан муваффақиятли ўтган ҳисобланади.
Хорижий фуқароларни ўқишга қабул қилиш
Суҳбат натижаларига кўра номзодлар Академия бошлиғининг буйруғи асосида бакалавриат таълим йўналишларига ўқишга қабул қилинади.
Ўқиш учун келган хорижий фуқаролар тиббий кўрикдан ўтади. Ўқишга қабул қилинган талабалар белгиланган тартибда талабалик гувоҳномаси билан таъминланади.
Таълимни тамомлаган хорижий фуқароларга белгиланган намунадаги олий маълумот тўғрисидаги диплом берилади.
Алоқа маълумотлари
Телефон: +998 71 202-04-96, ички рақамлар: 1933, 1927, 1991.
Электрон почта:
kayumov_bahtiyor@proacademy.uz
Манзил: 100190, Тошкент шаҳри, Рихсилий кўчаси, 9-уй.
Расмий веб-сайт: https://proacademy.uz/ru
Telegram-канал: https://t.me/TheLawEnforcementAcademy