Магистратура
ProAcademy
(71) 202-04-96
info@proacademy.uz
Заиф кўрувчилар учун

Магистратура

“Et docere et discere servitute legis”

 

Бош прокуратура Академиясининг прокуратура органлари ходимлари ҳисобланмаган магистратура тингловчиларига қонунчиликда белгиланган тартибга асосан стипендия тўлаш назарда тутилган. Прокуратура органлари ходимлари ҳисобланган магистратура тингловчиларининг эгаллаб турган лавозими бўйича ўртача ойлик иш ҳақи ўқиш даври мобайнида сақлаб қолинади.

 

Бош прокуратура Академияси магистратура тингловчиларини турар-жой билан таъминлаш назарда тутилмаган.

Бош прокуратура Академияси магистратурасига номзодларнинг ёши бўйича чекловлар ўрнатилмаган.
Бош прокуратура Академияси магистратурасига кириш учун топширилиши лозим бўлган ҳужжатлар ва уларни топшириш тартиби Ўзбекистон Республикаси Бош прокурорининг 23.08.2019 йилдаги 217-сон буйруғи билан тасдиқланган ва Адлия вазирлигидан 30.08.2019 йилда 3179-рақам билан давлат рўйхатидан ўтказилган “Ўзбекистон Республикаси Бош прокуратураси Академияси магистратурасига қабул қилиш ва ўқитишни ташкил этиш тартиби тўғрисида”ги Низомда батафсил ёритилган.

Мазкур Низомга кўра, магистратурага ўқишга қабул қилиш учун номзодлар томонидан Академия қабул комиссияси раиси номига ариза топширилади. Аризага қуйидаги ҳужжатлар илова қилинади:

  • сўровнома;
  • таржимаи ҳол;
  • паспорт ёки унинг ўрнини босувчи ҳужжат нусхаси;
  • 3,5 х 4,5 см ўлчамли 4 дона рангли фотосурат;
  • олий маълумот тўғрисидаги диплом (иловаси билан) ёки дипломдан кўчирма (Ўзбекистон Республикаси олий таълим муассасаларини давлат гранти бўйича ўқиб тугатганлар учун);
  • чет тилини билиш даражасини тасдиқловчи белгиланган даражадаги миллий ёки халқаро сертификатларнинг асл нусхаси (мавжуд бўлганда);
  • прокуратура органлари ходимлари учун, бундан ташқари, бевосита раҳбари томонидан ёзилган тавсиянома.

Мазкур ҳужжатлар ариза билан бирга номзод томонидан Академия қабул комиссияси аъзоси – тегишли прокуратура органларининг кадрлар тармоқларига топширилади.

Академия қабул комиссияси томонидан белгиланадиган тартибда номзодлар томонидан ҳужжатлар электрон шаклда Интернет халқаро ахборот тармоғи орқали ҳам тақдим этилиши мумкин.

Номзодлар маълумоти, чет тилини билиш даражаси, иш тажрибаси ва касб малакасига оид қўшимча маълумотларни тақдим этишлари мумкин.

Бош прокуратура Академияси томонидан номзодларга қулайлик яратиш мақсадида 2020/2021 ўқув йилидан бошлаб ҳужжатларни онлайн тарзда қабул қилиш бўйича дастур ишга туширилади.

Ўзбекистон Республикаси Бош прокурорининг 23.08.2019 йилдаги 217-сон буйруғи билан тасдиқланган ва Адлия вазирлигидан 30.08.2019 йилда 3179-рақам билан давлат рўйхатидан ўтказилган “Ўзбекистон Республикаси Бош прокуратураси Академияси магистратурасига қабул қилиш ва ўқитишни ташкил этиш тартиби тўғрисида”ги Низомга кўра, тасдиқланган квоталар доирасида кириш имтиҳонларида энг юқори балл тўплаган ташқи номзодлар давлат грантлари бўйича биринчи навбатда, қолганлар рейтинг баллари асосида тўлов-контракт асосида магистратурага ўқишга қабул қилинади.

Тўлов-контракт асосида ўқитишнинг тўлов миқдорини белгилаш бир талабани ўқитиш билан боғлиқ асосланган харажатлар миқдоридан келиб чиқиб Академия томонидан амалга оширилади.

Низомнинг 7-бандига кўра, магистратурага ўқишга қабул қилинган прокуратура органлари ходимларининг эгаллаб турган лавозими ва ўртача ойлик иш ҳақи ўқиш даври мобайнида сақлаб қолинади.

Тасдиқланган квотага кўра, прокуратура органлари ходимлари магистратурага фақатгина давлат гранти асосида қабул қилинади.

Бош прокуратура Академияси магистратурасига квотадан ташқари тингловчиларни қабул қилиш назарда тутилмаган.
Ўзбекистон Республикаси Президентининг 08.05.2018 йилдаги “Прокуратура органлари кадрларини тайёрлаш, қайта тайёрлаш ва уларнинг малакасини ошириш тизимини тубдан такомиллаштириш чора-тадбирлари тўғрисида”ги ПФ-5438-сон Фармонига кўра, Ўзбекистон Республикаси Бош прокуратураси Иқтисодиёт ва саноат вазирлиги билан биргаликда Академия магистратурасига қабул қилиш квоталарини белгилайди.

Шунга кўра, 2019/2020 ўқув йили учун Бош прокуратура томонидан Иқтисодиёт ва саноат вазирлиги билан биргаликда жами 30 та квота белгиланган бўлиб, бунда “прокурорлик фаолияти”, “коррупцияга қарши курашиш” ва “тергов фаолияти” мутахассислигининг ҳар бири бўйича 10 тадан квота белгиланган.

Бунда, ҳар бир мутахассислик бўйича 10 та квотадан 5 таси прокуратура органлари ходимлари учун ва қолган 5 таси ташқаридан номзодлар учун белгиланган.

Магистратура