Академия қайта тайёрлаш курси битирувчиларига диплом топшириш маросими ўтказилди

Ўзбекистон Республикаси Бош прокуратурасида Академияда ташкил этилган прокуратура органларида раҳбарлик лавозимларини эгаллаш учун захирада турган кадрларни касбий қайта тайёрлаш курси якунланганлиги муносабати билан, битирувчиларга диплом топшириш маросими бўлиб ўтди.

Тадбирда Бош прокурор ўринбосари Э.Т.Юлдашев битирувчиларни қайта тайёрлаш курсини битириб, якуний имтиҳонларни муваффақиятли топширганликлари билан табриклади. Шунингдек, ўтказилган курснинг аҳамияти, Академия томонидан пандемия шароитини инобатга олган ҳолда ўқув машғулотлари юқори савияда ташкил этилганлиги, замонавий педагогик ва ахборот-коммуникация технологиялар ёрдамида масофавий таълим тўлиқ йўлга қўйилиб, таълим жараёни янада такомиллаштирилганлиги, машғулотлар давомида амалиётга катта эътибор қаратилганлиги алоҳида таъкидлаб ўтилди.

Битирувчиларга диплом билан биргаликда кўкрак нишонлари ҳам тақдим этилди. Тадбир сўнгида сўзга чиққан битирувчилар Академияда эгаллаган билим ва кўникмаларини юртимиз равнақи, эл-юрт фаровонлиги, мамлакатимизда қонун устуворлигини таъминлаш, суд-ҳуқуқ тизимини янада ривожлантириш йўлида самарали қўллашга сўз бердилар.