Академия илмий салоҳиятини юксалтириш йўлидаги янги ютуқлар

      Бош прокуратура Академияси томонидан илмий-тадқиқот фаолиятини ривожлантириш ва илмий салоҳиятни юксалтириш борасида тизимли ишлар амалга оширилмоқда. Диссертация тадқиқотлари кўлами сезиларли даражада кенгайтирилди, Академия докторант ва мустақил изланувчилари сони ошди, инновацион лойиҳа ва дастурларни амалга ошириш ишлари фаоллаштирилди.

     Мазкур фаолиятнинг муҳим натижалари сифатида Академия профессор-ўқитувчилари илмий салоҳиятини юксалтириш борасидаги ютуқларни таъкидлаб ўтиш лозим.

     Хусусан, юридик фанлар докторлари Ф.Рахимов ва В.Каримов профессор, юридик фанлар номзодлари Б.Нуридинов, Ф.Мирзаев ва Ғ.Шодиев доцент илмий унвонига эга бўлди.

    Шу билан бирга, Академия кафедра бошлиғи А.Ҳидоятуллаев ва бўлим катта прокурори А.Одинаев юридик фанлар бўйича фалсафа доктори (PhD) илмий даражасига эга бўлди.

    Шу муносабат билан, Академияда илмий даража ва илмий унвон олган профессор-ўқитувчилар ва ходимларга дипломларни тантанали равишда топшириш маросими бўлиб ўтди.

    Бош прокуратура Академияси жамоаси илмий соҳада муваффақиятга эришган ҳамкасбларини самимий муборакбод этиб, келгусидаги илмий ва таълим фаолиятида муваффақиятлар тилайди.