Барқарор ривожланиш соҳасидаги Миллий мақсадларни амалга ошириш бўйича БМТнинг Наркотиклар ва жиноятчиликка қарши курашиш бўйича бошқармаси билан ҳамкорлик

БМТ Глобал кун тартибининг 2030 йилгача бўлган даврда Барқарор ривожланиш мақсадларини (БРМ) изчил амалга ошириш бўйича тизимли ишларни ташкил этиш мақсадида Академия билан БМТнинг Наркотиклар ва жиноятчиликка қарши курашиш бўйича бошқармаси билан ҳамкорликда видеоконференция алоқа шаклида БРМнинг 16.4.1-сонли индикатори доирасида ноқонуний молиявий оқимлар ҳажмини ўлчаш масалалари бўйича ўқув семинари ўтказилди.

Семинар ишида БМТнинг Наркотиклар ва жиноятчиликка қарши курашиш бўйича бошқармаси минтақавий вакили Ашита Миттал, БМТнинг Наркотиклар ва жиноятчиликка қарши курашиш бўйича бошқармасининг Венадаги қароргоҳи экспертлари, мазкур индикаторга масъул Иқтисодий жиноятларга қарши курашиш департаменти, ИИВ, ДСҚ, ДБҚ, Давлат статистика қўмитаси, Марказий банк ҳамда Академия ходимлари иштирок этди.

Семинар давомида ноқонуний молиявий оқимлар ҳаракатининг айрим жиҳатлари, 16.4.1-сонли индикаторга оид ахборотларни тўплаш бўйича халқаро тажриба, услуб ва воситалар ҳамда бошқа масалалар муҳокама қилинди.

Тадбир иштирокчилари 16.4.1-сонли индикаторни миллий даражада бундан кейин амалга ошириш масалалари бўйича фикр алмашдилар.