Қашқадарё вилоят прокуратураси ходимлари учун электив курс ташкил этилди

Прокуратура ходимларининг индивидуал таълим траекториясини шакллантириш мақсадида Бош прокуратура Академияси томонидан қонунчилик ижроси устидан назорат йўналишида электив курслари жорий этилди. Мазкур курслар контенти тингловчиларнинг эҳтиёжлари ва қизиқишларини инобатга олган ҳолда ишлаб чиқилган.

Хусусан, 2021 йил 8 ноябридан 17 декабрига қадар Академия томонидан Қашқадарё вилояти прокуратураси сўровига биноан қонунчилик ижроси устидан назоратни ташкил этиш масалалари бўйича электив малака ошириш курси ташкил этилди.

Мазкур электив малака ошириш курси тингловчилар иш жойидан ажралмаган ҳолда тўлиқ масофавий шаклда амалга оширилади.

Курс дастурида ижтимоий ва иқтисодий соҳада қонунчилик ижроси устидан прокурор назоратини олиб боришнинг долзарб масалалари бўйича машғулотлар назарда тутилган.

Ўқув курси якунида тингловчилар амалдаги қонунчиликка киритилган янгиликлар, амалиётда мавжуд тизимли муаммо ва камчиликлар, уларни ҳал этиш йўллари ҳамда бошқа аҳамиятга молик  масалалар бўйича имтиҳон топшириши режалаштирилган.

Ўқув тадбирлари бошланишига тайёргарлик кўриш доирасида тингловчилар учун мазкур курснинг ташкилий масалаларига, масофавий курсни ўташ ва амалий топшириқларни бажариш тартибига бағишланган аудиоконференцалоқа тарзида семинар ташкил этилди.