Ўзбекистон Республикаси прокуратураси органлари фаолиятига доир очиқ дарслар ўтказилмоқда  

Прокуратура органлари ташкил этилганлигининг 30 йиллиги муносабати билан республика олий ва ўрта махсус таълим муассасалари ҳамда умумтаълим мактабларида тажрибали ходимлар иштирокида 2021 йилнинг ноябрь-декабрь ойлари мобайнида прокуратура органлари тарихи ва фаолиятига доир очиқ дарслар ташкил этиб келинмоқда.

Очиқ дарслар республикамиздаги 144 та олий таълим, 728 та ўрта махсус таълим муассасалари ҳамда 2 070 та мактабларда ташкил этилиб, уларда 15 минг нафарга яқин ўқитувчи ва 120 минг нафардан ортиқ ўқувчи ва талаба ёшлар иштирок этиши  назарда тутилган.

Очиқ дарслар Бош прокуратура, Қорақалпоғистон Республикаси, вилоятлар ва Тошкент шаҳри прокуратуралари, Ҳарбий ва Транспорт прокуратуралари ходимлари, шунингдек Академия профессор-ўқитувчилари томонидан Бош прокуратура Академияси томонидан ишлаб чиқилган контент асосида ўтказиб келинмоқда.

Очиқ дарсларда прокуратура органларининг тарихи ва бугунги фаолияти, улар олдига қўйилган устувор вазифалар, қонун устуворлигини таъминлаш йўлида олиб борилаётган ишлар хусусида батафсил тушунтиришлар берилмоқда.