Одам савдосига қарши курашишда ҳамкорликни мустаҳкамлаш

Жориий йил 25-26 ноябрь кунлари Бухоро шаҳрида одам савдосига қарши курашиш бўйича миллий ва халқаро ҳамкорликни мустаҳкамлашга бағишланган халқаро конференция бўлиб ўтди. Одам савдосига қарши курашиш соҳасида Марказий Осиёнинг ҳуқуқни муҳофаза қилувчи органлари ва фуқаролик жамияти ташкилотлари ўртасидаги ҳамкорликни мустаҳкамлаш конференциянинг асосий мақсади этиб белгиланди.

Мазкур конференция «ISTIQBOLLI AVLOD» нодавлат ташкилоти, халқаро ташкилотлар ва Ўзбекистон Республикасининг ҳуқуқни муҳофаза қилувчи органлари билан ҳамкорликда ташкил этилди.

Конференцияда Ўзбекитон Республикаси Бош прокуратура Академиясининг бошлиғи Е.Коленко одам савдоси ва мажбурий меҳнат соҳасида амалга оширилган ишлар юзасидан маърузаси билан иштирок этди. Маърузада мазкур соҳадаги муаммоларни тадқиқ қилиш мақсадида Академия билан ҳамкорликни амалга ошириш бўйича таклифлар ўз аксини топди.

Шунингдек, Қозоғистон ва Қирғизистон ҳуқуқни муҳофаза қилувчи органлар ходимлари ҳамда халқаро ва нодавлат ташкилотларнинг вакиллари ўзларининг одам савдосига қарши курашишдаги тажрибалари юзасидан маърузалари билан иштирок этишди.