Россия Федерациясининг Олий суди ҳузуридаги Давлат одил судлов университети билан ҳамкорликни ўрнатиш чоралари

Юридик кадрларни касбий тайёрлашга ихтисослашган хорижий профил муассасалар билан ўзаро ҳамкорликни  ўрнатиш мақсадида Ўзбекистон Республикаси Бош прокуратураси Академияси ва Россия Федерациясининг Олий суди ҳузуридаги Давлат одил судлов университети раҳбарияти ўртасида учрашув ташкиллаштирилди.

Учрашувда Россия тарафидан Университетнинг илмий ишлар бўйича проректори В.Н.Корнев, ўқув ва тарбиявий ишлар бўйича проректори С.И.Пухнаревич, таълим фаолиятининг сифати бўйича ректор ўринбосари Е.А.Шкабура ҳамда ўқув-методик бошқарма бошлиғининг ўринбосари С.Л.Парфенова иштирок этдилар.

Учрашувда томонлар кадрларни тайёрлаш ва уларнинг малакасини ошириш, таълим ва илмий-изланиш ишлари, халқаро ҳамкорлик соҳаларидаги асосий вазифалар ва фаолият йўналишлари бўйича ахборот алмашдилар.

Тадбир иштирокчилари ҳар икки давлат муассасаларининг келгусидаги ўзаро ҳамкорлик йўналишларини муҳокама қилиб, икки томонлама манфаатдорликка қаратилган соҳаларда ўзаро ҳамкорликнинг конкрет таклифларини ишлаб чиқиш юзасидан келишиб олдилар.