Москва давлат халқаро муносабатлар институти Тошкент филиали талабалари ташрифи

Москва давлат халқаро муносабатлар институтининг Тошкент филиалида таҳсил олаётган бир гуруҳ талабалар Ўзбекистон Республикаси Бош прокуратураси Академиясига ташриф буюрдилар.

Талаба ёшлар учун Академия томонидан очиқ дарс ташкил этилиб, Ўзбекистон Республикаси прокуратураси тарихи ҳамда прокуратура органларининг бугунги кунда амалга ошираётган фаолиятига оид атрофлича маълумот берилди.

Меҳмонларни прокуратура органлари кадрларини тайёрлаш, қайта тайёрлаш ва уларнинг малакасини ошириш тизими билан яқиндан таништириш мақсадида  Бош прокуратура Академиясига экскурсия ташкил этилди.

Тадбир давомида талабалар бугунги кунда муҳим аҳамият касб этган масофавий таълим имкониятлари, шу жумладан замонавий ўқув контенти ишлаб чиқиладиган мультимедиа студияси фаолияти билан яқиндан танишишди.

Академиянинг махсус полигонида тергов-криминалистика тактикалари ва методикаларини амалий қўллаш имитацияси бўйича машғулот ўтказилди.

Шу билан бирга, экскурсия давомида меҳмонлар суд процесси имитацияси хонаси, криминалистика хонаси, электрон тир ва бошқа амалий ҳамда вазиятли машғулотлар ўтказиш учун махсус жиҳозланган хоналарни ҳам кўрдилар.

Талабалар Академия магистратурасига кириш ва таҳсил олиш тартибига оид саволларига атрофлича жавоб олишди.