Суд ишларини юритиш ва суд қарорлари ижроси масалаларида прокурорнинг иштироки мавзусига бағишланган малака ошириш курси

Академияда туман (шаҳар) прокурорлари ва уларга тенглаштирилган прокурорларнинг ёрдамчилари иштирокида “Суд ишларини юритиш ҳамда суд қарорлари ижроси масалаларида прокурорнинг роли ва вазифалари” мавзусида малака ошириш курси ўтказилмоқда.

Мазкур малака ошириш курси аралаш таълимнинг “3+1” тизими асосида ташкил этилган бўлиб, масофавий ўқитиш ва аудитория машғулотлари тарзида замонавий педагогик ва ахборот-коммуникация технологияларини қўллаган ҳолда ташкил этилган.

Курс дастури прокуратура фаолиятининг умумий масалалари, шунингдек умумий юрисдикция судларида ва маъмурий судларда прокурор ваколатини таъминлаш, суд қарорлари ижросининг хусусиятларига оид масалаларни қамраб олган бўлиб, тингловчиларнинг мазкур йўналишлардаги назарий билим ва кўникмаларини мустаҳкамлашга қаратилган.

Ҳар ўқув ҳафтасининг якуни бўйича синхрон ўқув машғулотлари ташкил этилиб, ҳафталик ўзлаштиришни мониторинг қилиб бориш билан бирга, мавзу доирасидаги саволларга тушунтиришлар бериб борилмоқда.

Малака ошириш курсининг якуний босқичида тингловчиларнинг масофадан ўзлаштирган билим ва кўникмалари бевосита аудитория машғулотлари жараёнида тренинг ҳамда ўқитишнинг интерфаол услубларидан фойдаланган ҳолда, муаммоли-вазиятли ҳолатларни таҳлил қилиш ва казуслар ечимини топиш воситасида мустаҳкамланиб, тингловчиларнинг курс дастурини ўзлаштириш даражаси баҳоланади.