Академия магистратураси тингловчиларининг Тошкент шаҳар Бектемир тумани прокуратурасига ўқув-амалий ташрифи

Ўқитишнинг амалий хусусияти ва прокуратура органларининг касбий фаолияти билан узвий боғлиқликни таъминлаш мақсадида Академия магистратураси тингловчиларининг ҳудудий прокуратура органларига ўқув-амалий ташрифи мунтазам ташкил этиб келинмоқда. 

Жумладан, жорий йилнинг 7 апрель куни Магистратура тингловчиларининг навбатдаги ўқув-амалий ташрифи Бектемир тумани прокуратураси ва туман прокурори бошчилигидаги ҳудудларни комплекс ижтимоий-иқтисодий ривожлантириш бўйича секторда бўлиб ўтиб, тингловчилар туман прокуратураси ва сектори фаолиятига доир маълумот ҳамда ҳудудда истиқболли инвестициявий лойиҳаларни амалга оширишга оид режалар билан яқиндан танишдилар.

Ўқув-амалий ташриф доирасида тингловчилар Бектемир туманида жойлашган иқтисодий ишлаб чиқариш комплекси бўлган “Coca-Cola” компаниясига ташриф буюриб, маҳсулот ишлаб чиқариш ҳамда уни бозорга сотувга тайёрлаш тўғрисида батафсил маълумотга эга бўлдилар.

Тадбир якунида тингловчилар туманнинг ишлаб чиқариш салоҳияти, аҳоли яшаш даражасини кўтариш борасида қилинаётган ишлар ҳамда хорижий ва маҳаллий инвестицияларни жалб қилиш борасида амалга оширилаётган кенг қамровли тадбирлар тақдимоти билан танишдилар.