Қозон федерал университети делегациясининг Бош прокуратура Академиясига ташрифи

Ўзбекистон Республикаси Бош прокуратура Академиясида Қозон федерал университетининг Юридик факультети декани Л.Т. Баткулина, Халқаро фаолият бўйича декан ўринбосари Р.Ш. Давлетгильдеев ҳамда Халқаро ва Европа ҳуқуқи кафедраси мудири А.И. Абдуллин билан учрашув бўлиб ўтди.

Меҳмонлар Академия фаолиятининг асосий йўналишлари билан танишдилар. Академиянинг илмий марказлар ва магистратура йўналишига алоҳида эътибор қаратдилар.

Томонлар таълим ва фан бўйича ўзаро манфаатли икки томонлама ҳамкорликнинг истиқболли йўналишларини муҳокама қилдилар.

Учрашув дўстона ҳамда конструктив мулоқот руҳида ўтди.