Терроризмни молиялаштиришга қарши курашиш соҳасида миллий инструкторларни тайёрлаш

2020 йилнинг 7-8 сентябрь кунлари Академияда ЕХҲТ, БМТнинг Наркотиклар ва жиноятчиликка қарши курашиш бўйича бошқармаси, Бош прокуратура ҳузуридаги Иқтисодий жиноятларга қарши курашиш департаменти, ДХХ ва ИИВ вакиллари иштирокида терроризмни молиялаштиришга қарши курашиш соҳасида (ТМҚК) миллий инструкторларни тайёрлаш бўйича ўқув курси бўлиб ўтди.

Мазкур тадбир Ўзбекистон Республикаси вакиллари учун терроризмни молиялаштиришга қарши курашиш соҳасида миллий инструкторларни тайёрлаш бўйича ЕХҲТ ҳамда БМТнинг Наркотиклар ва жиноятчиликка қарши курашиш бўйича бошқармаси томонидан ташкил этилган ва 2019-2020 йилларда ўтказилиши режалаштирилган курсларнинг тўртинчиси.

Лойиҳа ТМҚК масалалари билан боғлиқ тренер сифатида тайёргарликдан ўтган миллий экспертлар гуруҳини тузиш, мазкур йўналишда халқаро ва идоралараро ҳамкорликни мустаҳкамлаш, иш жараёнига янги замонавий тажриба ва усулларни киритиб боришга мўлжалланган.

Мазкур тадбирнинг мақсади терроризмни молиялаштириш билан боғлик жиноятларни самарали тергов қилиш соҳасидаги билим ва кўникмаларни шакллантириш ва ривожлантиришдан иборат.

Ўзбекистон Республикаси вакилларининг мазкур курсда иштироки жуда сермаҳсул ва фойдали бўлган бўлиб, иштирокчилар ТМҚК соҳасида тренинглар ўтказиш бўйича ўзларининг назарий билимларини бойитдилар.