Тезкор-қидирув тадбирларини амалга ошириш масалалари бўйича ўқув курси якунланди

Бош прокуратура Академиясида Иқтисодий жиноятларга қарши курашиш департаментининг Қорақалпоғистон Республикаси, вилоятлар, Тошкент шаҳар бошқармаларининг тезкор ходимлари иштирокида “Тезкор-қидирув тадбирларини амалга ошириш масалалари” мавзусида қисқа муддатли малака ошириш курсининг ўқув машғулотлари ниҳоясига етди. 

Ўқув курси жорий йилнинг 16-27 май кунлари Академияда кундузги таълим шаклида ташкил этилди. Ўқув машғулотларига Академия профессор-ўқитувчилари билан бир қаторда Департаментнинг тажрибали мутахассислари ҳам жалб қилинди.

Курс дастуридан тезкор-қидирув тадбирларини ўтказишни ташкил этиш тушунчаси, моҳияти, жиноятчиликка қарши курашда уларнинг тутган ўрни, тезкор-қидирув тадбирларини ўтказиш тартиби, уларни ўтказиш асослари ва шартлари, тезкор-қидирув тадбирлари натижаларидан жиноят процессида фойдаланиш, порахўрлик жиноятларини фош этиш бўйича ўтказиладиган тезкор-қидирув тадбирлари масалаларига оид назарий, амалий ва имитацион машғулотлар ўрин олган.

Шунингдек тингловчилар тезкор-қидирув фаолияти устидан идоравий ва прокурор назоратини ташкил этиш, жиноий даромадларни легаллаштиришга ва терроризмни молиялаштиришга қарши курашиш борасида касбий компетенцияларини такомиллаштириш имконига эга бўлишди.