Хельсинки Якуний акти имзоланганининг 45 йиллиги муносабати билан ташкил этилган конференцияда иштирок этилди

ЕХҲТнинг Ўзбекистондаги лойиҳалар мувофиқлаштирувчиси офиси билан ўрнатилган ҳамкорлик доирасида Бош прокуратура Академияси раҳбарияти “Хельсинки+45: ЕХҲТнинг барча 57 та аъзо давлати учун ҳозирги босқичда мажбуриятлар долзарблиги Ўзбекистон мисолида” мавзусидаги Хельсинки Якуний акти имзоланганининг 45 йиллигига бағишланган юқори даражадаги онлайн анжуманда иштирок этди.

Тадбирда Албания ва Швейцариянинг ЕХҲТ ваколатхонаси, ЕХҲТ Котибияти ва институтлари ҳамда БМТнинг юқори даражадаги вакиллари билан бир қаторда Ўзбекистон Республикаси Олий Мажлиси Сенати раиси, Қонунчилик палатаси Спикерининг биринчи ўринбосари, Олий суд, Ички ишлар вазирлиги, Ташқи ишлар вазирлиги, Бош прокуратура ҳамда бошқа ташкилот ва идоралар вакиллари қатнашди.

Академия раҳбарияти томонидан тергов фаолияти салоҳиятини ошириш, инсон ҳуқуқлари ҳимоясини таъминлаш, қийноқларнинг олдини олиш, кибержиноятчилик, коррупция ва одам савдосига қарши кураш ҳамда ноқонуний активларни қайтариш соҳаларида амалга оширилаётган саккиз ташаббус орқали ЕХҲТнинг барча учта мезонлари бўйича яқин ҳамкорлик ўрнатилганлиги алоҳида таъкидлаб ўтилди ҳамда келгусида ЕХҲТ доирасида мамлакатнинг мажбуриятларини таъминлаш мақсадида ҳамкорликни қўллаб-қувватлаш давом эттирилиши билдириб ўтилди.