Судларда прокурор ваколатини таъминлаш йўналишида навбатдаги малака ошириш курси

Ўзбекистон Республикаси Бош прокурори томонидан таълим жараёнининг прокуратура органлари касбий фаолияти билан узвий боғлиқлигини таъминлашга оид белгиланган вазифалар ижроси доирасида Бош прокуратура Академиясида туман (шаҳар) прокурорларининг ва уларга тенглаштирилган прокурорларнинг ёрдамчилари иштирокида "Суд ишларини юритиш ҳамда суд қарорлари ижроси масалаларида прокурорнинг роли ва вазифалари" мавзусида малака ошириш курси якунланди.

Ушбу малака ошириш курси аралаш шаклда ташкил этилган бўлиб, курсни ўз ишидан узилмасдан масофавий битирган тингловчилар ўз билимларини Академияда бўлиб ўтган машғулотларда мустаҳкамладилар.

Курс дастури прокуратура фаолиятининг умумий масалалари, судларда прокурор ваколатини таъминлаш масалаларига оид ўқув ҳамда амалий машғулотлардан таркиб топган бўлиб, ходимларнинг прокурорлик фаолиятининг ушбу йўналишларидаги назарий билим ва амалий кўникмаларини мустаҳкамлашга йўналтирилган.

Ўқув машғулотлари Академия профессор-ўқитувчилари томонидан прокурорлик амалиётига оид долзарб масалалар бўйича ишлаб чиқилган  слайдлар, ёзма ишлар, казуслар ва бошқа ўқув материаллари асосида ўтказилди.

Ўқув машғулотларини аъло даражада битирган тингловчилар, курс якунида малака оширилганлиги тўғрисидаги сертификатларни олдилар.