Навбатдаги сайёр ўқув машғулоти ўтказилди

Академияда ўтказилаётган “Прокуратура органларида раҳбарлик лавозимларини эгаллаш учун захирада турган кадрларни касбий қайта тайёрлаш” курси тингловчиларнинг назарий билим ва амалий кўникмаларини мустаҳкамлаш мақсадида сайёр дарс машғулотлари ўтказиб келинмоқда.

Навбатдаги сайёр машғулот “Аҳоли бандлигига оид қонунлар ижроси устидан прокурор назоратини амалга ошириш масалалари” мавзусида Ўзбекистон Республикаси Бандлик ва меҳнат муносабатлари вазирлиги ҳузуридаги “Ишга марҳамат” мономарказида ташкил этилди.

Машғулот давомида тингловчилар “Ишга марҳамат” мономарказида ишсиз ҳамда аҳоли бандлигига кўмаклашиш марказларида иш қидирувчи сифатида рўйхатда турган фуқароларни касб-ҳунарга ўргатиш жараёни ва уларга яратилган шароитлар билан бевосита танишдилар.

Шунингдек, Академия тингловчиларига аҳоли бандлигини таъминлаш соҳасида амалга оширилаётган ишлар, қонунчиликка киритилган янгиликлар, амалиётда мавжуд тизимли муаммолар ва камчиликлар, уларни ҳал этиш йўллари юзасидан тушунтиришлар берилди.