Жиноий фаолиятдан олинган даромадларни легаллаштириш ва терроризмни молиялаштиришга қарши курашиш масалалари бўйича халқаро форумда иштирок

Академия вакиллари БМТ ГЖБ Минтақавий ваколатхонаси ва Қозоғистон Республикаси Бош прокуратураси ҳузуридаги Ҳуқуқни муҳофаза қилиш органлари Академияси томонидан Олма-Ота шаҳрида ташкил этилган “Параллел молиявий тергов ўтказиш ва жиноий фаолиятдан олинган даромадларни легаллаштиришга қарши курашни амалга оширувчи  ваколатли органлар ҳамкорлиги. Халқаро тажриба, амалиёт ва муаммолар” мавзусидаги халқаро форумда онлайн тарзда иштирок этишди.

Аралаш форматда ташкил этилган уч кунлик тадбирда Озарбайжон, Украина, Арманистон, Беларусь, Ўзбекистон, Грузия, Қозоғистон, Қирғизстон ва Тожикистоннинг прокуратура органлари ва бошқа ваколатли органлар вакиллари, олимлар ва экспертлар иштирок этди.

Форумнинг эксперт панелларидан бирида Академия бошлиғи ўринбосари У.Нигмаджанов жиноий фаолиятнинг молиявий жиҳатларини ўрганиш масалалари бўйича маъруза қилди.

Тадбир давомида параллел молиявий текширувлар институтининг хусусиятлари, молиявия разведка бўлинмаларининг аҳамияти, роли ва имкониятлари, очиқ ва ёпиқ маълумотлар манбалари асосида хорижий активларни излаш ва бошқа масалалар муҳокама қилинди.