Банк соҳаси ходимлари учун масофавий малака ошириш курси якунланди

Бош прокуратура Академияси томонидан Халқ банкининг 36 нафар ва Миллий банкнинг 20 нафар банк соҳасида коррупцияга қарши курашишга масъул бўлган ходимлари учун ташкиллаштирилган “Коррупцияга қарши курашиш бўйича самарали идоравий чора-тадбирлар ташкил этилишини таъминлаш” мавзусидаги қисқа муддатли масофавий малака ошириш курси ўз якунига етди.

Ўқув курси Ўзбекистон Республикаси Коррупцияга қарши курашиш миллий кенгашининг 2022 йил 2-ярим йиллигига мўлжалланган иш режасига асосан ўтказилган.

Масофавий курсни муваффақиятли тамомлаган тингловчиларга сертификатлар топширилди.