Навбатдаги сайёр машғулот ўтказилди

2022 йил 27 июнь куни “Ўзбекистон Республикаси Қуролли Кучлари, Фавқулодда вазиятлар вазирлиги ҳамда божхона хизмати органларида қонунчилик ижроси устидан прокурор назоратини самарали ташкил этиш масалалари” мавзусидаги малака ошириш курси ўқув дастури доирасида Инсон ҳуқуқлари бўйича Ўзбекистон Республикаси Миллий марказининг бугунги кунда мамлакатимизда инсон ҳуқуқ ва эркинликлари, қадр-қимматини ҳимоя қилиш борасидаги фаолияти билан яқиндан танишиш мақсадида сайёр ўқув машғулоти ташкил этилди.

Машғулот давомида тингловчилар Инсон ҳуқуқлари бўйича Ўзбекистон Республикаси Миллий марказининг инсон ҳуқуқлари соҳасидаги Ўзбекистон Республикасининг халқаро мажбуриятларини бажариш бўйича халқаро ташкилотлар, давлат органлари ва бошқа идоралар билан ўзаро ҳамкорлиги, миллий маърузалар тайёрлаш бўйича асосий вазифалари, инсон ҳуқуқларини таъминлаш соҳасида олиб борилаётган илмий тадқиқот ишлари ҳақидаги маълумотлар билан танишдилар.

Шунингдек, Инсон ҳуқуқлари бўйича Ўзбекистон Республикаси Миллий марказининг жисмоний ва юридик шахсларнинг мурожаатлари билан ишлаш соҳасида прокуратура органлари билан олиб бораётган ҳамкорлиги, ушбу ҳамкорликнинг аҳамияти борасида фикр алмашилди.