БМТ ГЖБ вакилларининг Академияга ташрифи

Академияда БМТ Гиёҳвандлик ва жиноятчилик бўйича бошқармасининг жиноятчиликнинг олдини олиш ва жиноят ҳуқуқи бўйича Венадаги мутахассиси П.Яновичи, БМТ Аксилтеррор марказининг Нью-Йоркдаги дастур менеджери А.Серикбай, БМТ ГЖБнинг Марказий Осиё миллий лойиҳалар мувофиқлаштирувчиси Н.Абдукодирова ва лойиҳа ходими И.Ли билан ишчи учрашув ташкил қилинди.

Учрашув давомида экспертлар Академия тузилмаси ва фаолият йўналишлари билан танишиб, ҳуқуқни мухофаза қилувчи органлар учун танловли ўқув дастурлари ва модулларини тадбиқ этиш ҳамда қўшма тадбирлар ва дастурларни амалга ошириш орқали ҳамкорликни янада кучайтириш масалалари муҳокама қилинди.

Меҳмонлар Академиянинг мультимедиа студияси, криминалистик полигон, электрон тир хонаси ва ахборот-ресурс марказига ҳам ташриф буюрдилар.