Янги қўшма илмий тадқиқот лойиҳаси бошланди

Швециянинг Лунд университети Ҳуқуқ социологияси департаменти билан ўзаро ҳамкорликда Бош прокуратура Академиясида “Ўзбекистонда маъмурий ҳуқуқ ислоҳоти ва ҳуқуқий интеграция” номли қўшма илмий тадқиқот лойиҳаси бошланди.

Лойиҳа доирасида 2022 йилнинг 10 август куни “Ўзбекистонда маъмурий ҳуқуқ ва маъмурий суд ишларини юритишнинг долзарб масалалари” мавзусидаги давра суҳбати ўтказилди.

Тадбирда Лунд университети доценти Р.Уринбоев, Манчестер университети профессори К.Торнхил, маъмурий суд вакиллари ҳамда маъмурий ҳуқуқ соҳасида тадқиқот олиб бораётган мутахассислар иштирок этишди.

Мазкур давра суҳбатида маъмурий суд ишларини юритиш соҳасидаги долзарб масалалар, шунингдек келгусидаги вазифалар юзасидан муҳокама бўлиб ўтди ҳамда бу ўзаро тажриба алмашиш имконини яратди.