II Тошкент аксилкоррупция форумидаги иштирок

Академия раҳбарияти ва ходимлари Ўзбекистон Республикаси Коррупцияга қарши курашиш миллий кенгаши, Коррупцияга қарши курашиш агентлиги, Бош прокуратура, Адлия вазирлиги ва БМТнинг Гиёҳвандлик ва жиноятчилик бўйича бошқармаси томонидан ташкил этилган “II Тошкент аксилкоррупция форуми” ишида иштирок этишди.

Форумнинг очилиш маросимида Ўзбекистон Республикаси Олий Мажлис Сенати раиси ва Миллий кенгаш раиси Т.Нарбаева, БМТнинг Ўзбекистондаги доимий координатори Р.Астхана, БМТ Тараққиёт дастурининг Ўзбекистондаги доимий вакили М.Димовска, БМТ ГЖБнинг Марказий Осиёдаги Минтақавий Ваколатхонаси раҳбари А.Миттал, Коррупцияга қарши курашиш агентлиги директори А.Бурханов, Бош прокурор ўринбосари С.Артикова ва бошқа юқори мартабали меҳмонлар чиқиш қилишди.

Очилиш маросимидан сўнг тадбир очиқлик ва шаффофлик, коррупциявий хавф-хатарларни самарали баҳолаш ҳамда коррупцияга қарши курашишда таълимнинг ўрни каби учта сессиялар орқали давом эттирилди.

Сессиялар ишида Олий Мажлис палаталари, вазирлик ва идоралар вакиллари, халқаро ташкилотлар экспертлари ҳамда Корея Республикаси, Малайзия, Гонконг, Латвия, АҚШ коррупцияга қарши курашиш идораларининг раҳбар ва мутахассислари, миллий ва халқаро нодавлат нотижорат ташкилотлари, оммавий ахборот воситалари вакиллари қатнашди.

Форумнинг коррупцияга қарши курашишда таълимнинг ўрни номли сессисясида Академия бошлиғи Е.Коленко “Илм-фан ва таълим орқали коррупциянинг олдини олиш” мавзусида маъруза қилди.

Форум иштирокчиларга мамлакатимизда коррупцияга қарши курашиш соҳасида амалга оширилаётган ислоҳотлар, истиқболдаги вазифаларни етказишга ҳамда фаолиятни халқаро стандартлар ва илғор хорижий тажриба асосида янада такомиллаштириш масалалари бўйича қизғин мулоқот ўтказишга имкон берди.