Сайёр ўқув ва амалий машғулотлар ўтказилди

2022 йилнинг 26-30 сентябрь кунлари Ички ишлар вазирлиги Академияси кўмагида Бош прокуратура Академияси магистратураси ўқув дастури доирасида 2022-2023 ўқув йили тингловчилари учун Ички ишлар вазирлиги Академиясининг дала ўқув майдони базасида дала сайёр ўқув ва амалий машғулотлар ташкил этилди.

Дала шароитида ўтказилган сайёр ўқув машғулотлари доирасида тингловчилар жанговор, саф ва жисмоний тайёргарликнинг асосларини ўзлаштириш имкониятига эга бўлдилар ҳамда тегишли ўқув фанлари бўйича дарс жараёнларини давом эттирилди.

Дастурга мувофиқ тингловчилар жанговар ўқотар қуролларнинг асосий турлари, улардан фойдаланишнинг назарий жиҳатлари, уларнинг жанговар хусусиятлари, асосий қисм ва механизмлари ҳақида маълумотга эга бўлдилар.

Тингловчиларга ўқишдан бўш вақтларида ўзларининг билимларини ошириш ва жисмонан чиниқиш мақсадида ахборот-ресурс маркази ва спорт-соғломлаштириш мажмуасидан самарали фойдаланиш имконияти яратилди.

ИИВ Академиясининг дала ўқув майдони базасида сайёр ўқув машғулотларини ўтказиш амалиёти тингловчилар учун уларнинг ўзаро муносабатлари, руҳий бирдамлик ва жамоавий жипсликни мустаҳкамлаш, шунингдек тингловчилар ўртасида тажриба алмашишда ўз самарасини кўрсатди.