Бенефициар мулкдорларни аниқлаш масалалари бўйича семинар-тренинг ўтказилди

Бош прокуратура Академиясида “Бенефициар мулкдорларни аниқлаш ва идентификация қилиш ҳамда мижозларни лозим даражада текшириш масалалари” мавзусидаги семинар-тренинга ўтказилди.

Тренинг тижорат банкларининг ички назоратни амалга оширувчи масъул махсус тармоқ ходимлари учун ташкил қилинди.

Тренинг дастури бенефициар мулкдорларни аниқлаш бўйича халқаро стандартлар, хорижий тажриба ва миллий тизимнинг ўзаро таҳлили, мижозларни, хусусан хорижий мамлакатлар оммавий мансабдор шахслари ва уларнинг оила аъзолари ҳамда яқинларини лозим даражада текшириш чораларини аниқлаш ва қўллаш масалалари кўриб чиқиш каби масалаларни ўз ичига олган.

Тадбирга Академия профессор-ўқитувчилари билан бир қаторда катта амалий тажрибага эга Бош прокуратура ҳузуридаги Иқтисодий жиноятларга қарши курашиш департаменти ходимлари ҳамда Марказий банкнинг мутахассислари жалб қилинди.

Тренинг тижорат банкларининг ички назорат хизмати ходимларининг касбий билим ва малакаларини оширишга хизмат қилади.