Мақсадли молиявий санкциялар қўллаш масалалари бўйича семинар-тренинг ўтказилди

Бош прокуратура Академиясида “Мақсадли молиявий санкциялар қўллаш масалалари” мавзусидаги семинар-тренинг ўтказилди.

Тренинг пул маблағлари ёки бошқа мол-мулк билан боғлиқ операцияларни амалга оширувчи, жиноий фаолиятдан олинган даромадларни легаллаштиришга ва терроризмни молиялаштиришга қарши курашиш бўйича фаолиятга жалб қилинган ташкилотларнинг масъул ходимлари учун ташкил қилинди.

Тренинг дастури мақсадли молиявий санкциялар қўллашнинг мазмун-моҳияти, бенефициар мулкдорларни аниқлаш бўйича халқаро стандартлар, шунингдек, харидорларни, хусусан хорижий мамлакатлар оммавий мансабдор шахслари ва уларнинг оила аъзолари ҳамда яқинларини лозим даражада текшириш бўйича чораларни аниқлаш ва қўллаш каби масалаларни ўз ичига олган. Юқорида келтирилган масалалар бўйича хорижий ва миллий амалиётнинг қиёсий таҳлили ўтказилди.

Тадбирга Академия профессор-ўқитувчилари билан бир қаторда катта амалий тажрибага эга Бош прокуратура ҳузуридаги Иқтисодий жиноятларга қарши курашиш департаменти ҳамда Молия вазирлигининг мутахассислари жалб қилинди.