Ички назорат хизмати ходимлари учун масофавий малака ошириш курси бошланди

Бош прокуратура Академиясида пул маблағлари ёки бошқа мол-мулк билан боғлиқ операцияларни амалга оширувчи ташкилотларнинг ички назорат хизмати ходимлари учун “Жиноий фаолиятдан олинган даромадларни легаллаштириш ва терроризмни молиялаштиришга қарши курашишни ташкил этиш” мавзусидаги масофавий малака ошириш курси бошланди.

Қимматбаҳо металл ва қимматбаҳо тошлар билан боғлиқ бўлган операцияларни амалга оширувчи шахсларнинг масъул ходимлари малака ошириш курси тингловчилари ҳисобланадилар.

Малака ошириш курси дастури жиноий даромадларни легаллаштириш ва тероризмни молиялаштириш хавфини аниқлаш, жиноий даромадларни легаллаштириш ва терроризмни молиялаштиришга  қарши курашишнинг халқаро тизими ҳақида маълумот ҳамда мақсадли молиявий санкцияларни қўллаш каби масалаларни қамраб олган.

Малака ошириш курси машғулотлари доирасида Ўзбекистон Республикасида жиноий фаолиятдан олинган даромадлар ва терроризмни молиялаштириш хавфларини секторлар ва миллий даражада баҳолашни ўтказиш,   жиноий даромадларни легаллаштириш ва терроризмни молиялаштиришга қарши курашиш миллий тизим фаолияти хусусиятларига оид масалалар ҳам кўриб чиқилмоқда.

Мазкур малака ошириш курси тингловчиларда ички назорат хизмати тизимини ташкил этиш, секторлар хавфлари даражасини аниқлаш ва баҳолаш, махсус ваколатли давлат органига хабар қилиниши лозим бўлган пул маблағлари ёки бошқа мол-мулк билан боғлиқ операцияларни аниқлашга оид назарий билимларини, шунингдек уларни қўллаш бўйича амалий кўникмаларни ривожлантиришга қаратилган.