Озарбайжон Республикаси Бош прокуратураси Илмий-таълим маркази ўртасида ҳамкорлик меморандуми имзоланди

2022 йил 1 ноябрь куни Озарбайжон Республикаси Бош прокуратурасининг Илмий-таълим маркази директори Ахмедов Мубариз Гусейн оглы бошчилигидаги Озарбайжон Республикаси Бош прокуратураси делегацияси ташриф буюрди.

Ташриф доирасида икки томонлама учрашув бўлиб ўтди, унда томонлар илмий-таълим муассасаларининг ўзаро ҳамкорлигини кенгайтириш масалалари муҳокама қилинди ҳамда Озарбайжон Республикаси Бош прокуратурасининг Илмий-таълим маркази ва Ўзбекистон Республикаси Бош прокуратураси Академияси ўртасида ҳамкорлик тўғрисида меморандум имзоланди.

Шунингдек, томонлар иштирокида “Жиноят судлови соҳасида трансчегаравий самарали ҳамкорлик салоҳиятини кучайтириш” мавзусида давра суҳбати ўтказилди, унда бошқа масалалар қатори прокурор-тергов ходимларининг касбий тайёргарлик ва малака ошириш масалалари ҳам муҳокама қилинди.

Делегация аъзолари прокуратура музейига, шунингдек, Бош прокуратура Академиясига ташриф буюриб, фан, таълим ва амалиётнинг узвий алоқа ва ўзаро алмашинувига асосланган инновацион таълим технологияларини жорий этиш бўйича Академия тажрибаси билан танишди.

Томонлар учрашуви конструктив ва дўстона руҳда ўтиб, томонлар прокурор-тергов ходимларини тайёрлаш, қайта тайёрлаш ва малакасини ошириш соҳасида ўзаро манфаатли ҳамкорликни кенгайтириш бўйича аниқ чора-тадбирларни белгилаб олдилар.