“Китобхонлик – миллий ўзликни асраш омили” мавзусида китобхонлик тадбири ўтказилди

Бош прокуратура Академияси томонидан таълим, илмий ва таҳлилий фаолият билан бир қаторда маънавий-маърифий ишлар ҳам тизимли асосда олиб борилмоқда.

2022 йил 4 ноябрь куни Бош прокуратура тармоқлари билан ҳамкорликда “Китобхонлик – миллий ўзликни сақлаш омили” мавзусида навбатдаги китобхонлик тадбири ташкил этилди.

Тадбир Ўзбекистон Республикаси прокуратура органларида маънавий-маърифий ишларни янги босқичга кўтариш бўйича 2022 йил учун мўлжалланган “Йўл харитаси” ижросини таъминлаш доирасида прокуратура ходимларининг китобга қизиқишини ошириш ва юксак китобхонлик маданиятини шакллантириш мақсадида ўтказилди.

Ушбу китобхонлик тадбирида Бош прокуратура, Бош прокуратура Академияси ходимлари, тингловчилари, докторантлар ва мустақил изланувчилар қатнашдилар.

Тадбир меҳмони тергов материаллари асосида нашр этилган “Терговчи” номли туркум детектив китобларини аудиторияга тақдим этган Ёзувчилар уюшмаси аъзоси, юридик фанлари доктори профессор Комил Синдаров бўлди.

Иштирокчиларга муаллиф китобидан саҳна кўриниши қўйиб берилди ҳамда билим ва зукколигини намоён этган иштирокчиларга муаллиф дасхати туширилган китоб нусхалари топширилган ҳолда аудитория билан интерфаол машғулот ўтказилди.

Тадбир доирасида “Янги аср авлоди” нашриёти томонидан бадиий адабиётлар ярмаркаси ташкил этилди.