Инсон ҳуқуқларини ҳимоя қилиш масалалари бўйича сайёр тренинг

Тингловчиларнинг инсон ҳуқуқларига доир назарий ва амалий билимларини ошириш Бош прокуратура Академияси фаолиятининг муҳим йўналишларидан бири ҳисобланади. Академияда ташкил этилаётган ўқув курс дастурлари инсон ҳуқуқ ва эркинликлари ҳимоясига доир ўқув машғулотларини ўз ичига олади.

Ижтимоий ва иқдисодий қонунчилик ижроси устидан прокурор назоратини таъминлашнинг долзарб масалалари бўйича ўтказилаётган малака ошириш курси тингловчилари учун 2022 йил 16 ноябрь куни Инсон ҳуқуқлари бўйича Ўзбекистон Республикаси Миллий марказида “Инсон ҳуқуқларини ҳимоя қилишда миллий институтларнинг тутган ўрни” мавзусида навбатдаги сайёр тренинг ўтказилди.

Мазкур тренингда тингловчилар Инсон ҳуқуқлари бўйича Ўзбекистон Республикаси Миллий марказининг инсон ҳуқуқлари ҳимоясини таъминлаш, инсон ҳуқуқлари бўйича халқаро шартнома ва ковенцияларнинг ижроси юзасидан Ўзбекистон Республикасининг миллий ҳисоботини тайёрлаш борасидаги фаолияти билан яқиндан танишиш имконига эга бўлишди.

Ушбу сайёр тренинг тингловчиларнинг Ўзбекистон Республикасида инсон ҳуқуқлари ҳимоясини таъминловчи миллий институтлар ҳақидаги амалий ва назарий билимлари ошишига хизмат қилди.