Одам савдосига қарши курашиш масалалари бўйича симуляцион тренинг ташкил этилди

Академияда Бош прокуратура, ЕХҲТнинг Ўзбекистондаги лойиҳалари мувофиқлаштирувчиси офиси, Бош прокуратура, ИИВ, ННТ “Истиқболли авлод” билан ҳамкорликда ташкил этилган одам савдосига қарши кураш бўйича симуляцион тренинги бўлиб ўтмоқда.

Ушбу тренинг Ўзбекистоннинг одам савдосига қарши курашиш бўйича самарали стратегияларини ва унга боғлиқ муоммоларни аниқлаш,  инсон ҳуқуқлари ва гендер тенглик тамойилларига қаратилган устувор ёндашувларни аниқлаш орқали янги ташкил этилган одам савдосидан жабрланганларни қайта йўналтириш миллий механизми доирасида идоралараро ҳамкорликни кенгайтириш мақсадида ташкил этилди.

Беш кунлик тренингда ҳуқуқни муҳофаза қилиш органларининг 50 га яқин мутахассислари, жумладан, Бош прокуратура, ИИВ, Тиббий-ижтимоий хизматларни ривожлантириш агентлиги ходимлари, шунингдек, ҳуқуқшунослар, фуқаролик жамияти вакиллари таҳсил оладилар.

Симуляцион тренинг Академиянинг муайян вазиятларнинг имитацияси учун мўлжалланган махсус жиҳозланган ўқув-амалий машғулот хоналарида бўлиб ўтмоқда.

Одам савдосини реал ҳаётда жонлантирувчи “Илҳом” театри актёрлари ушбу йўналишда хизмат қилувчи тезкор ходимларга одам савдосига қарши курашишнинг зарур чораларини ишлаб чиқишда амалий ёрдам бериш мақсадида ушбу тренингга жалб қилиндилар.

Тренинг жараёнида олинган кўникмалар одам савдосига қарши курашиш миллий тизими самарадорлигини ошириш, ўзаро баҳолаш доирасида халқаро экспертлар томонидан берилган тавсияларни бажариш ва идоралараро ҳамкорликни кучайтиришга хизмат қилади.

Курс якуни бўйича иштирокчиларга сертификатлар тоширилади.