Ноқонуний молиявий оқимларни ўлчаш борасидаги салоҳиятни ошириш

Aкадемия ходимлари ЭСКАТО, БМТ ГЖБ ва ЮНКТАД томонидан Бангкок шаҳрида ташкил этилган “Осиё ва Тинч океани минтақасида ноқонуний молиявий оқимлар ҳажмини баҳолаш” лойиҳасининг якуний йиғилишида иштирок этдилар.

Тадбир ноқонуний молиявий оқимларни (НМО) баҳолаш ва НМОни ўлчаш бўйича статистик салоҳиятни ошириш соҳасида тажриба-синов тадбирлари натижалари ҳақида маълумот бериш, илғор тажриба алмашиш, келгусида амалга ошириладиган ишлар ва ҳамкорлик истиқболларини муҳокама қилиш мақсадида ташкил этилди.

Йиғилишда 6 тажриба-синов давлат – Бангладеш, Вьетнам, Қирғизистон, Мальдив Республикаси, Непал ва Ўзбекистоннинг ҳуқуқни муҳофаза килувчи ва статистика органлари ходимлари, шунингдек, ЭСКАТО, БМТ ГЖБ ва ЮНКТАД маслаҳатчилари иштирок этди.

Иштирокчилар гиёҳванд моддалар савдоси, одам савдоси, ёввойи ҳайвонлар ноқонуний савдоси, шунингдек тижорат ва солиқ бўйича НМОни ўлчаш бўйича ўзаро амалий тажриба алмашишди.