Тезкор-қидирув қонунчилигини такомиллаштириш истиқболлари муҳокама қилинди

Академияда “Тезкор-қидирув қонунчилигини такомиллаштириш истиқболлари” мавзусига бағишланган давра суҳбати бўлиб ўтди.

Давра суҳбатида Ўзбекистон Республикаси Давлат хавфсизлик хизмати Академияси, ИИВ Академияси, Жамоат хавфсизлиги университети, Божхона институти, Электрон технологияларни ривожлантириш маркази, ИИВнинг Илмий-амалий тадқиқот маркази, Бош прокуратура ҳузуридаги Мажбурий ижро бюроси ва Иқтисодий жиноятларга қарши курашиш департаментининг маъсул ходимлари иштирок этишди.

Давра суҳбатида тезкор-қидирув фаолияти имкониятларидан фойдаланишда юзага келаётган айрим муаммолар ва уларни ҳал қилиш, тезкор-қидирув фаолияти қонунчилигини янада такомиллаштириш, тезкор бўлинмалар ҳамда суриштирув ва тергов органлари ўзаро ҳамкорлигини янада такомиллаштириш масалалари муҳокама қилинди.

Иштирокчилар жиноятларга қарши курашиш бўйича тезкор-қидирув фаолиятини амалга оширувчи органлар тезкор бўлинма ходимларини малакасини оширишга мўлжалланган ўқув машғулотлари самарадорлигини ошириш борасида фикр алмашишди.