Коррупцияга қарши курашишга бағишланган навбатдаги тадбир ўтказилди

2022 йил 21 декабрь куни Халқаро коррупцияга қарши курашиш куни муносабати билан ўтказилаётган ҳафталик доирасида “Электрон ҳукумат лойиҳаларини бошқариш маркази” давлат муассасасида “Биз коррупцияга муросасиз муносабатдамиз” мавзусидаги давра суҳбати ўтказилди.

Тадбир Академиянинг Коррупцияга қарши курашиш илмий-таълим маркази катта прокурори Х.Турсунбеков томонидан олиб борилди.

Давра суҳбати давомида иштирокчиларга коррупцияга қарши курашиш соҳасидаги давлат сиёсати ва олиб борилаётган ислоҳотлар, коррупцияга оид ҳуқуқбузарликларининг оқибатлари, давлат хизматчиларининг касбий одоб-ахлоқ қоидалари, манфаатлар тўқнашуви ва уни бартараф қилиш масалалари етказилди.

Интерактив шаклда ўтказилган тадбир иштирокичларга коррупцияга қарши курашиш ва уни олдини олиш масалалари бўйича ўзларини қизиқтирган саволларига батафсил жавоб олишга ҳамда Электрон ҳукумат маркази мисолида коррупцияга оид хавф-хатарларни муҳокама қилишга имкон берди.