“Қиёсий конституциявий ҳуқуқда эмпирик тадқиқотлар” мавзусида фан соати бўлиб ўтди

Академияда анъанавий фан соати доирасида Манчестер университети профессори Крис Торнхил томонидан “Қиёсий конституциявий ҳуқуқда эмпирик тадқиқотлар” мавзусида гибрид шаклидаги маҳорат дарси ўтказилди.

Тадбирда Ҳуқуқни муҳофаза қилиш академияси, Судьялар олий мактаби, Инсон хуқуқлари бўйича миллий марказ профессор-ўқитувчилари, таянч докторантлари ва мустақил изланувчилари иштирок этишди.

Академиянинг хорижий эксперти иштирокчиларга илмий тадқиқотларни олиб бориш усуллари, қиёсий конституциявий ҳуқуқда эмпирик тадқиқотларнинг долзарблиги ва аҳамияти ҳақида батафсил маълумот берди.

Шунингдек, мустақил изланувчи ва докторантлар жаҳон конституциялари ҳамда конституциявий ислоҳотлар ҳақида фикр алмашишди.