Диссертация ҳимояси бўлиб ўтди

Бош прокуратураси Академияси ҳузуридаги илмий даражалар берувчи Илмий кенгаш йиғилишида Академия докторанти А.Джураеванинг “12.00.07 – Суд ҳокимият. Прокурор назорати. Ҳуқуқни муҳофаза қилувчи органлар фаолиятини ташкил этиш. Адвокатура” ихтисослиги бўйича тайёрланган “Вояга етмаганлар ўртасида ҳуқуқбузарликларнинг профилактикасига оид қонунлар ижроси устидан прокурор назорати” мавзусидаги диссертация ҳимояси бўлиб ўтди.

Юридик фанлар бўйича фалсафа доктори (PhD) илмий даражасини олиш учун тайёрланган ушбу диссертация доирасида Ўзбекистон Республикаси ва хорижий мамлакатларда вояга етмаганлар ўртасида ҳуқуқбузарликларнинг профилактикасига оид қонунлар ижроси устидан прокурор назоратини такомиллаштириш масалалари ўрганилган ва уларнинг ҳуқуқий тартибга солинишидаги муаммоларни ҳал қилишга қаратилган таклиф ва тавсиялар ишлаб чиқилган.

Муҳокамалар натижаларига кўра Илмий кенгаш аъзолари томонидан мазкур илмий иш бир овоздан ижобий баҳоланиб, А.Джураеванинг диссертацияси тугалланган деб топилди ва юридик фанлар бўйича фалсафа доктори (PhD) илмий даражасини бериш юзасидан Олий аттестация комиссиясига тақдим этиш юзасидан қарор қабул қилинди.

Академия жамоаси А.Джураевани диссертациянинг муваффақиятли ҳимояси билан табриклайди ва келгусидаги илмий ва касбий фаолиятида улкан зафарлар тилайди.