Диссертация ҳимояси бўлиб ўтди

Ўзбекистон Республикаси Ҳуқуқни муҳофаза қилиш Академияси ҳузуридаги Илмий кенгашнинг навбатдаги йиғилишида Академия мустақил изланувчиси Ф.Р.Гафуровнинг “12.00.09 – Жиноят процесси. Криминалистика, тезкор-қидирув ҳуқуқ ва суд экспертизаси” ихтисослиги бўйича “Валюта қимматликларини ноқонуний олиб чиқиб кетилишига қарши курашишда тезкор-қидирув тадбирларининг ташкилий-ҳуқуқий асосларини такомиллаштириш” мавзусида юридик фанлар бўйича фалсафа доктори (PhD) илмий даражасини олиш учун тайёрлаган диссертациясининг ҳимояси бўлиб ўтди.

Диссертацияда хорижий давлатларнинг илғор тажрибаси асосида валюта қимматликларини ноқонуний олиб чиқиб кетишга қарши курашишда ўтказиладиган тезкор-қидирув тадбирларининг ташкилий жиҳатлари ҳамда миллий қонунчиликни такомиллаштириш бўйича таклифлар таҳлил қилинган.

Диссертация ҳимояси натижасига кўра, Кенгаш аъзолари томонидан тадқиқотчи юридик фанлар бўйича фалсафа доктори (PhD) илмий даражасини олиш учун лойиқ деб топилди.

Академия жамоаси Фарход Гафуровни диссертацияни муваффақиятли ҳимоя қилганлиги билан табриклайди ва келгусидаги илмий ва касбий фаолиятида улкан зафарлар тилайди!