Академия магистратураси тингловчилари учун халқаро эксперт иштирокида тренинг ташкил этилди

Академия магистратурасининг “Коррупцияга қарши курашиш” йўналиши тингловчилари учун коррупцияга қарши курашиш соҳасидаги халқаро ва хорижий экспертлар иштирокида мунтазам равишда ўқув тадбирлари ўтказиш йўлга қўйилган.

Навбатдаги тренинг  Европа Иттифоқи эксперти, 2011-2016 йиллар давомида Латвия Коррупциянинг олдини олиш ва унга қарши курашиш бюроси (KNAB) раҳбари лавозимида ишлаган Ярослав Стрельченок томонидан магистратура тингловчилари учун “Декларациялаш – коррупциянинг олдини олиш чораси сифатида” мавзусида ўтказилди.

Машғулот давомида тингловчилар давлат хизматчиларининг даромадларини декларация қилиш бўйича халқаро стандартлар ҳамда бу борада Латвия тажрибаси, мазкур тизимнинг коррупцияга қарши курашиш бўйича самарали натижалари ва жиҳатлари бўйича ўз билимларини ошириш имкониятига эга бўлишди.